اسلام آباد (این این آئی)اسلام آباد ہائی کورٹ کے جج جسٹس بابر ستار نے کہاہے کہ طویل مدت کے لیے حکم امتناع عدالتی نظام کی نااہلی کو ظاہر کرتا ہے۔تقریب سے خطاب کرتے ہوئے ہائی کورٹ کے جج جسٹس بابر ستار نے کہاکہ حکم امتناع کی وجہ سے ٹیکس اور دیگر مالیاتی معاملات التوا کا شکار ہوجاتے ہیں۔
جسٹس بابر ستار نے کہا کہ عدالتوں کے سامنے کھربوں روپے کے ٹیکس کے دعوے اور دیگر مالیاتی کیس پھنسے ہوئے ہیں، مقدمات کا منیجمنٹ سسٹم اس طرح استعمال ہونا چاہیے کہ زیرالتوا کیسوں پر تیز رفتاری سے فیصلے ہوسکیں۔ انہوںنے کہاکہ بجائے یہ کہ عدلیہ کو دیگر تمام اداروں کے معاملات میں گھسیٹا جائے، مخصوص معاملات کو بہتر گورننس کے ذریعے انتظامی سطح پر حل کیا جاسکتا ہے۔
