مکہ مکرمہ (این این آئی)مکہ مکرمہ میں حکام نے خبردار کیا ہے کہ تجارتی مراکز میں نماز کی جگہ کا انتظام نہ کرنے پر ایک ہزار ریال تک جرمانہ ہو گا۔سعودی میڈیا کے مطابق مکہ میونسپلٹی نے بلدیاتی خلاف ورزیوں کے جرمانوں کے نئے چارٹ پر عمل درآمد شروع کر دیا ہے
جس میں خلاف ورزیوں کے چارٹ میں متعدد امور کی نشاندہی کی گئی ہے۔میونسپلٹی حکام کے مطابق تجارتی مراکز میں مصلوں، واش رومز اور وضو کی جگہ کے قواعد و ضوابط کی پابندی نہ کرنے پر ایک ہزار ریال تک کا جرمانہ ہو گا تاہم اس سے قبل انہیں 14 دن کی مہلت دی جائے گی،خلاف ورزی دہرانے پر جرمانہ دگنا کیا جا سکتا ہے۔
