اسلام آباد (این این آئی)تین مرتبہ کے سابق وزیرِ اعظم پاکستان میاں نواز شریف 4 سال پرانے طیارے میں دبئی سے پہلے اسلام آباد اور پھر اسلام آباد سے لاہور پہنچے ۔ تفصیلات کے مطابق سابق وزیر اعظم نواز شریف نومبر 2019ء میں پاکستان سے لندن روانہ ہوئے تھے، تاہم اب 4 برس بعد ان کی واپسی نومبر 2018ء میں پہلی اڑان بھرنے والے طیارے سے ہو ئی۔
ایئر لائن فلائی دبئی نے نواز شریف کی خصوصی پرواز ایف زیڈ 4525 کے لیے نیا بوئنگ طیارہ استعمال کیا ہے، خصوصی پرواز کے لیے بوئنگ 737 میکس 9 صرف 4 سال پرانا ہے۔نواز شریف کی خصوصی پرواز کے لیے استعمال ہونے والے طیارے نے نومبر 2018ء میں پہلی پرواز بھری تھی۔فلائی دبئی کی خصوصی پرواز دبئی سے اڑان کے بعد اسلام آباد اتری جس کے بعد نواز شریف کو لے کر یہی طیارہ لاہور پہنچا۔
