لاہور( این این آئی) شوبز انڈسٹری کی معروف اداکارہ و ماڈل میرب علی نے انکشاف کیا ہے کہ جب وہ اداس ہوتی ہیں تو اپنے بال کاٹ لیتی ہیں ۔اداکارہ نے سوشل میڈیا پر اپنے بالوں کی کٹنگ کے پیچھے چھپے راز سے پردہ اٹھا یا۔انسٹاگرام پر اداکارہ میرب علی نے تصاویر شیئر کیں جس میں دیکھا جاسکتا ہے کہ میرب علی اپنے بال چھوٹے کروالیے ہیں۔
اداکارہ نے کیپشن میں لکھا کہ حادثاتی طور پر اپنے بال اتنے چھوٹے کرلیے ہیں مگر یہ ہیئر اسٹائل پسند آرہا ہے۔اس پوسٹ پر میرب علی کے منگیتر معروف گلوکار عاصم اظہر نے بھی تبصرہ کیا اور کہا کہ اگر یہ ہیئر کٹ اتنا اچھا لگ رہا ہے تو یہ کوئی حادثہ نہیں ہے۔بعد ازاں میرب علی نے ایک لائیو سیشن میں بالوں کے ہیئر کٹ سے متعلق پوچھے گئے سوال پر جواب دیتے ہوئے بتایا کہ وہ جب بھی اداس ہوتی ہیں اپنے بال کاٹ لیتی ہیں۔میرب علی کا اپنے ویڈیو سیشن میں بتانا تھا کہ انہیں اپنے بال کاٹ کر اچھا لگتا ہے، وہ اداس ہوتی ہیں تو بال کاٹ کر اچھا محسوس کرتی ہیں۔
