اسلام آباد(این این آئی)روس اور پاکستان کے درمیان طویل المدتی تیل خریداری کامعاہدہ طے پاگیا، کمرشل بنیادوں پر ہونے والے معاہدے کے تحت لوکل ریفائنریاں روس سے براہ راست تیل خرید سکیں گی۔تفصیلات کے مطابق روس اور پاکستان کے درمیان طویل المدتی تیل خریداری معاہدہ طے پاگیاکمرشل بنیادوں پر ہونے والے معاہدے کے تحت لوکل ریفائنریاں روس سے براہ راست تیل خرید سکیں گی،

ذرائع کے مطابق ریگولر سپلائی کے بعد حکومتی سطح پر معاہدہ متوقع ہے،روس سے کمرشل معاہدے کا پہلا کار گو دسمبر میں ایک لاکھ میٹرک ٹن خام تیل پر لے کر پہنچے گاذرائع کے مطابق معاہدے کے تحت لوکل ریفائنری روسی تیل کی قیمت 60ڈالر فی بیرل کے حساب سے ادا کرے گی روسی خام تیل کرایہ اور پریمیم نکال کر بھی عام مارکیٹ سے دس ڈالر فی بیرل سستا ہے ،پہلے ٹیسٹ کارگو میں پاکستان کو4کروڑ ڈالر کی بچت ہوئی تھی۔