دھرم شالا (این این آئی)آئی سی سی ون ڈے ورلڈکپ 2023میں دوسرا اپ سیٹ ہوگیا، نیدرلینڈز نے جنوبی افریقا کو 38رنز سے شکست دے کر ایونٹ میں پہلی کامیابی حاصل کرلی،نیدرلینڈزکی ٹیم نے245 بنائے جس کے جواب میں جنوبی آفریقاکی ٹیم207رنزپر ڈھیرہوگئی،نیدرلینڈزکے خلاف جنوبی آفریقا کی بیٹنگ لائن بری طرح ناکام ہوئی،
نیدرلینڈز کی جانب سے لوگن وین بیک نے 3کھلاڑیوں کو آئوٹ کیا اور ڈی لیڈا ، پال وین میکرین اور وین ڈر میروی نے 2،2وکٹیں حاصل کیںجبکہ نیدرلینڈز کے کپتان اسکاٹ ایڈورڈز کو جنوبی افریقا کے خلاف شاندار پرفارمنس پر میچ کا بہترین کھلاڑی قرار دیا گیا۔منگل کوجنوبی افریقا اور نیدرلینڈز کے درمیان میچ دھرمشالا میں ہماچل پردیش کرکٹ اسٹیڈیم میں کھیلا گیا ،
میچ کا ٹاس جنوبی افریقا نے جیتا اور بولنگ کا انتخاب کیا،البتہ موسم کی وجہ سے میچ کی فی اننگ 43اوورز تک محدود کی گئی۔نیدرلینڈز نے پہلے بیٹنگ کرتے ہوئے مقررہ اوورز میں 8وکٹوں پر 245رنز اسکور کیے، کپتان اسکاٹ ایڈورڈز 78رنز کے ساتھ ناٹ آئوٹ رہے۔اس کے علاوہ وین ڈر میروی نے29، تیجا نیدا منرو 20اور آریان دت نے 23رنز بنائے۔جنوبی افریقا کی جانب سے لونگی نگیٹی ، مارکو جانسن اور کگیسو رباڈا کی 2 ،2وکٹیں حاصل کیں۔نیدرلینڈز کے 246رنز کے ہدف کے تعاقب میں جنوبی افریقی ٹیم شروعات سے ہی مشکلات کا شکار رہی،
89کے مجموعی اسکور پر 5کھلاڑی پویلین لوٹ چکے تھے۔کپتان باووما 16، ڈی کوک 20، وینڈر ڈوسن 4، مارکرم 1اور کلاسن 28رنز بناکر آئوٹ ہوئے۔اس کے علاوہ جانسن 9، ڈیوڈ ملر43، کوئزے 22اور رباڈا 9رنز اسکور کر ٹیم کا ساتھ چھوڑ گئے جبکہ مہاراج نے 40رنز بنائے۔نیدرلینڈز کی شاندار بولنگ کی بدولت جنوبی افریقا کی پوری ٹیم42.5اوورز میں 207رنز پر آئوٹ ہوگئی۔نیدرلینڈز کی جانب سے لوگن وین بیک نے3 کھلاڑیوں کو آئوٹ کیا جبکہ ڈی لیڈا ، پال وین میکرین اور وین ڈر میروی نے 2،2وکٹیں حاصل کیں۔نیدرلینڈز کے کپتان اسکاٹ ایڈورڈز کو جنوبی افریقا کے خلاف شاندار پرفارمنس پر میچ کا بہترین کھلاڑی قرار دیا گیا۔نیدر لینڈز کے خلاف جنوبی افریقا کی ون ڈے میں یہ پہلی شکست ہے۔
