کراچی (این این آئی) قومی ایئر لائن (پی آئی اے)کو فیول کی فراہمی بند ہونے کے باعث آپریٹ ہونے والی 14پروازیں منسوخ کردی گئیں ، معاملہ حل نہ ہوا تو پی آئی اے کا فلائٹ آپریشن مکمل بند ہونے کا خدشہ ہے۔تفصیلات کے مطابق قومی ایئر لائن (پی آئی اے)اور پی ایس اوتنازعہ شدت اختیارکرگیا، جس کے باعث پی آئی اے کی پروازیں بری طرح متاثر ہے اور فلائٹ آپریشن بند ہونے کا خدشہ ہے۔

ایئرلائن ذرائع نے بتایا ہے کہ واجبات عدم ادائیگی پرملتان ، سکھر،گلگت ایئرپورٹ پر پی آئی ایکوفیول کی فراہمی بند ہے، جس کے باعث پی آئی اے نے آج آپریٹ ہونے والی 14 پروازیں منسوخ کردیں۔ذرائع کا کہنا تھا کہ پی آئی اے ترجمان نے پروازیں منسوخ کرنیکی تصدیق کردی اور بتایا کہ ملتان سے کراچی، ملتان سے اسلام آباد، گلگت سے اسلام آباد کی دو طرفہ پروازیں ، اسلام آبادسیسکھرکی بھی دوطرفہ پروازوں کو منسوخ کیا گیا۔

ذرائع نے کہا کہ پی آئی اے نے پی ایس اوکوشیڈول کیمطابق 65کروڑ روپیاداکرنیہیں، پی آئی اے انتظامیہ نے مالی بحران سے نکلنے کیلئے حکومت سے مدد مانگی ہے۔ذرائع کے مطابق پی آئی اے کی پروازوں میں منسوخی سے مسافروں کو شدید پریشانی کا سامنا ہے، پی آئی اے کی پروازیں نہ چلنے سے نجی ایئرلائنز نے اندرون ملک کرایوں میں کئی گنا اضافہ کر دیا ہے۔ایئرلائن ذرائع کا کہنا ہے کہ پی ایس اوسے معاملہ حل نہ ہوا تو پی آئی اے کا فلائٹ آپریشن مکمل بند ہونے کا خدشہ ہے، پی آئی ایکوفوری طورپر7ارب روپے کی ضرورت ہے، پی آئی اے نے وزارت ہوا بازی کو متعدد خطوط لکھے ہیں مگر کوئی شنوائی نہیں ہوئی۔