اسلام آباد(این این آئی) پاکستان پیپلزپارٹی کے سینئر رہنما قمر زمان کائرہ نے کہا ہے کہ نوازشریف کو وطن آکر عدالتوں کا سامنا کرنا پڑے گا،مسلم لیگ ن نے الیکشن مہم کا آغاز کردیا ہے،انہوںنے اپنے قائد کا استقبال کرنا ہے،چیئرمین پی ٹی آئی جیل میں ہیں، وکلا کیسز ختم کرنے کیلئے کوشاں ہیں،

پی ڈی ایم حکومت 14ماہ میں عوام کی توقعات پر پورا نہیں اتر پائے،مہنگائی بڑھی، عوام کی مشکلات میں اضافہ ہوا۔ٹی وی پروگرام میں گفتگو کرتے ہوئے قمر زمان کائرہ نے کہا کہ مسلم لیگ ن نے الیکشن مہم کا آغاز کردیا ہے، ن لیگ نے اپنے قائد نواز شریف کا استقبال کرنا ہے۔انہوںنے کہاکہ نوازشریف کو وطن آکرعدالتوں کا سامنا کرنا پڑے گا،الیکشن شیڈول کے اعلان سے بے یقینی ختم ہوئی ہے،

انوارالحق کاکڑ نگراں وزیراعظم ہیں، ان کے کوئی عزائم نہیں ہیں۔عمران خان کی بات کرتے ہوئے انہوںنے کہاکہ چیئرمین پی ٹی آئی جیل میں ہیں،وکلا دفاع کر رہے ہیں، وکلا کیسز ختم کرنے کیلئے کوشاں ہیں۔پی ڈی ایم کے دور حکومت کی بات کرتے ہوئے قمر زمان کائرہ نے تسلیم کیاکہ 14ماہ میں عوام کی توقعات پر پورا نہیں اتر پائے،مہنگائی بڑھی، عوام کی مشکلات میں اضافہ ہوا، 14ماہ میں فصلوں کی قیمتیں اور صنعتکار کا منافع بھی بڑھا ہے۔