چنئی (این این آئی)انٹرنیشنل کرکٹ کونسل(آئی سی سی )کے زیر اہتمام آئی سی سی مینز ورلڈ کپ ٹورنامنٹ میںجمعہ کو ایک میچ کھیلا جائے گا، جس میں نیوزی لینڈ اور بنگلہ دیش کی ٹیمیں آمنے سامنے ہوں گی۔یہ میچ میگا ایونٹ کا گیارہویں میچ ہوگا اور دن ایک بجکر 30 منٹ پر شروع ہوگا۔
انٹرنیشنل کرکٹ کونسل کے زیر اہتمام بھارت میں جاری آئی سی سی مینز ورلڈ کپ ٹورنامنٹ کا 13واں ایڈیشن میں جمعہ کو ایک میچ کھیلا جائے گا جس میں نیوزی لینڈ اور بنگلہ دیش کی ٹیمیں ایم اے چدمبرم سٹیڈیم، چنائی ن کے مقام پر پنجہ آزمائی کریں گی ۔ میچ دن ایک بجکر 30 منٹ پر شروع ہوگا۔ میگا ایونٹ میں نیوزی لینڈ اور بنگلہ دیشی ٹیمیں دو، دو میچ کھیل چکی ہیں۔
نیوزی لینڈ کی ٹیم اپنے دونوں میچوں میں کامیابی حاصل کر چکی ہے اور تاحال ناقابل شکست ہے۔ کیویز نے پہلے میچ دفاعی چیمپئن انگلینڈ کو جبکہ دوسرے میچ میں نیدرلینڈز کو شکست دی تھی۔اسی طرح بنگلہ دیشی ٹیم بھی دو میچز کھیل چکی ہے اور اس نے پہلے میچ میں افغانستان کو شکست دی تھی جبکہ اس کو دوسرے میچ میں اسے دفاعی چیمپئن انگلینڈ کے ہاتھوں شکست کا سامنا کرنا پڑا تھا۔ آسٹریلوی ٹیم کو سب سے زیادہ 5 مرتبہ ٹائٹل جیتنے کا اعزاز حاصل ہے۔ بھارت اور ویسٹ انڈیز کی ٹیمیں دو، دو مرتبہ ٹائٹل جیت چکی ہیں جبکہ پاکستان ، انگلینڈ اور سری لنکا کی ٹیمیں ایک ایک مرتبہ ٹائٹل اپنے نام کر چکی ہے۔
