کراچی(این این آئی)سرکاری گاڑی میں ممنوعہ اشیا کی اسمگلنگ کرنے کا انکشاف ہوا ہے، اپنے مفاد کے لیے گاڑی کا غلط طریقے سے استعمال کیا جارہا تھا۔تفصیلات کے مطابق سرکاری گاڑی نمبر جی ایس ڈی 767 کو ممنوعہ اشیاکی اسمگلنگ کرتے ہوئے پکڑا گیا ہے۔ سرکاری گاڑی کو اپنے مفاد کے لیے غلط طریقے سے استعمال کیا جارہا تھا۔

محکمہ بلدیات کے حکام نے بتایا کہ سرکاری گاڑی عبدالکریم نامی 16 گریڈ کے افسر کے زیرِ استعمال تھی۔عبدالکریم ٹیکسیشن افسر کے طور پر ڈسٹرکٹ کونسل ٹھٹھہ میں تعینات ہے۔سرکاری گاڑی کو تحویل میں لے کر افسر کو معطل کر کے ایف آئی آر درج کرادی گئی ہے۔اس حوالے سے ایڈیشنل سیکرٹری محکمہ بلدیات کو معاملے کی تحقیقات کرکے رپورٹ پیش کرنے کا حکم دیا گیا ہے۔