لاہور( این این آئی)اداکارہ و ماڈل ریچل خان نے کہا ہے کہ میری تین فلمیں مکمل ہو کر ڈبے میں بند پڑی ہیں، مجھے ان فلموں کی ریلیز کا شدت سے انتظار ہے کیونکہ ان فلموں پر میرے مستقبل کا انحصار ہے ۔
ایک انٹر ویو میں ریچل خان نے کہا کہ دو فلمیں دو سال سال قبل مکمل کرا دی تھیں جبکہ ایک فلم کا تھوڑا کام باقی ہے ۔ملک کے موجودہ حالات کی وجہ سے پروڈیوسر فلموں کو ریلیز کرنے کا رسک لینے کے لئے تیار نہیں کیونکہ فلموں پر کثیر لاگت آئی ہے ۔ انہوںنے کہا کہ میں بڑی شدت سے فلموں کی ریلیز کی منتظر ہوں کیونکہ فلموں میں اپنے کام کو دیکھتے ہوئے آئندہ فلموں میں کام کرنے کا فیصلہ کروں گی۔
