اسلام آباد (این این آئی) وطن واپس جانے کی ڈیڈ لائن دیئے جانے کے بعد افغانیوں نے پاکستان میں اپنی جائیدادیں فروخت کرنا شروع کر دیں۔ تفصیلات کے مطابق پاکستان میں غیر قانونی طور پر مقیم افغان باشندوں کی وطن واپسی کے عمل میں تیزی آ گئی ہے ۔
حکومت کی جانب سے وطن واپسی کیلئے دی جانیوالی ڈیڈ لائن کے بعد چند روز کے دوران 54افغان خاندان واپس اپنے ملک چلے گئے ہیں جبکہ پشاور، خیبر اور دیگر علاقوں میں افغانیوں نے اپنی جائیدادیں فروخت کرنا شروع کر دی ہیں۔افغان مہاجرین کو واپسی کی ڈیڈ لائن دینے کے بعد سے صوبائی دارالحکومتوں سمیت کئی شہروں میں الیکٹرانک کا سامان سستا ہوگیا اور مکانوں کے کرائے بھی کم ہونا شروع ہو گئے۔
