اسلام آباد (این این آئی) پاکستان پیپلز پارٹی کے رہنما خورشید شاہ نے سابق اتحادیوں پرکڑی تنقید کرتے ہوئے کہا ہے کہ (ن) لیگ اور مولانا فضل الرحمان غلط راستے پر چل رہے ہیں۔ایک بیان میں خورشید شاہ نے (ن) لیگ کے قائد نواز شریف کو مخاطب کرتے ہوئے کہا کہ میاں صاحب آپ ڈریں نہیں آجائیں، الیکشن کروائیں، جیل جائیں گے تو بھی ہیر وبن کرجائیں گے، اگرسزا ہے تو اس کے خلاف اپیل بھی ہے،
راستہ بھی ہے وہ آپ کو مل جائے گا۔انہوں نے کہا کہ میاں صاحب اگر آپ کو حکومت بنانے میں ووٹ کم ہوئے یا مشکلات ہوئیں تو پیپلزپارٹی سپورٹ کرے گی، اگر آپ کو حکومت کرنے کیلئے آنا ہے تو ہم حکومت دیں گے تاہم الیکشن تو کروائیں۔پی پی رہنما نے کہاکہ (ن) لیگ اور مولانا فضل الرحمان غلط راستے پر چل رہے ہیں، ان کو اندھیرے کے سوا کچھ نہیں ملے گا۔
