اسلام آباد (این این آئی)سپریم کورٹ آف پاکستان میں بینچز کی تشکیل اور زیرِ التواء مقدمات کے معاملے پر چیف جسٹس پاکستان قاضی فائز عیسیٰ نے اہم اجلاس بدھ کو 3 بجے طلب کر لیا۔ذرائع کے مطابق چیف جسٹس پاکستان نے اجلاس میں پاکستان بار اور سپریم کورٹ بار کو بھی دعوت دی ہے۔

ذرائع نے بتایا کہ اجلاس میں فراہمی انصاف بہتر کرنے کے معاملے پر وکلاء تنظیموں کی تجاویزلی جائیں گی۔ذرائع نے بتایا کہ وکلاء تنظیمیں بینچز کی تشکیل اور مقدمات سماعت کے لیے مقرر کرنے کے حوالے سے تجاویز دیں گی۔ذرائع کے مطابق وکلاء فوری نوعیت کے مقدمات کو جلد سماعت کیلئے مقرر کرنے کے حوالے سے بھی تجاویز دیں گے۔