لندن(این این آئی)برطانیہ کے ہوم آفس نے ویزا کی 45 کیٹیگریز کی فیسیں بڑھا دیں، نئی قیمتوں سے متعلق نوٹیفکیشن جاری کردیا گیا۔غیرملکی خبررساں ادارے نے بتایاکہ نوٹیفکیشن کے مطابق 6 ماہ کے وزٹ ویزے پر 15 پانڈ فیس بڑھا دی گئی ہے، 2 سال کے وزٹ ویزے پر فیس میں 24 پائونڈ کا اضافہ کیا گیا ہے۔
5 سال کے ویزے کی فیس پر 101 اور 10سال کی وزٹ ویزا فیس پر 126 پانڈ کا اضافہ ہوا ہے۔سیٹلمنٹ ویزا فیس میں 308 اور آئی ایل آر فیس 481 پانڈ بڑھا دی گئی ہے۔انوویٹر ویزا فیس میں 155 پانڈ، اسٹارٹ اپ ویزا فیس میں 57 پانڈ جبکہ گلوبل ٹیلنٹ ویزا فیس میں 93 پانڈ اضافہ کیا گیا ہے۔
ٹیئر ون میں 93 سے 155پائونڈ، ٹیئر ون انویسٹر ویزا فیس میں 246 پائونڈ کا اضافہ کیا گیا ہے۔ہنرمند ویزا فیس میں 94 پانڈ، اسکلڈ ورکرز کی 8 کیٹیگریز میں ویزا فیس پر 37 سے 141 پائونڈ کا اضافہ کیا گیا ۔ سیزنل ورکر ویزا فیس میں 39 پائونڈ جبکہ برطانوی شہریت کی فیس بھی 250 پائونڈ بڑھا دی گئی ہے۔مختلف کیٹگریز کی ویزا فیسوں میں اضافے کا اطلاق 4 اکتوبر سے ہوگا۔
