لاہور( این این آئی) نامور اداکارہ غنا علی نے بتایا کہ اپنے والد کے دستخط کاپی کر کے چیک کے ذریعے ان کے بینک اکائونٹ سے لاکھوں روپے نکلوا لئے تھے۔ایک انٹر ویو میں اداکارہ نے بتایا کہ میں نے وہ پیسے کیفے اور دیگر جگہوں پر خرچ کر دئیے، جب والد کو پتا چلا تو انہوں نے مجھ سے بات چیت بند کر دی تھی

اداکارہ نے بتایا کہ والد کو منانے میں بہت وقت لگا، جب میں نے کمانا شروع کیا تو ان کو تحفے دئیے۔انہوں نے بتایا کہ والد کو بینک ٹرانزیکشن الرٹ کے بارے میں معلوم نہیں تھا، پھر میں نے ان کو بتایا تو انہوں نے سروس آن کی۔مجھے ایسا لگتا ہے کہ میرے بچوں میں سے بھی کوئی میرے ساتھ ایسا کرے گا، میرے ساتھ مکافاتِ عمل ہوگا، میں نے اکائونٹ سے متعلق ہر قسم کی سروس آن رکھی ہے۔