اسلام آباد (این این آئی)قومی احتساب بیورو (نیب)کے حکام نے کہا ہے کہ نگراں وزیرِ اعظم انوارالحق کاکڑ کے خلاف تحقیقات میرٹ پر ختم کی گئیں۔نیب حکام نے یہ بیان سپریم کورٹ کی جانب سے نیب ترامیم کے حوالے سے سنائے گئے فیصلے کے تناظر میں جاری کیا ۔
نیب حکام کے مطابق نگراں وزیرِ اعظم انوارالحق کاکڑ کے خلاف شکایت کا نیب ترامیم سے کوئی تعلق نہیں تھا۔نیب ذرائع کے مطابق نگراں وزیرِ اعظم انوارالحق کاکڑ کے خلاف کوئٹہ میں اثاثہ جات کا کیس کھولا گیا تھا۔نیب ذرائع نے بتایا کہ تحقیقات میں نگراں وزیرِ اعظم انوارالحق کاکڑ کے اثاثہ جات نہیں ملے۔نیب ذرائع نے کہا کہ نگراں وزیرِ اعظم انوارالحق کاکڑ کا معاملہ ان کے اقتدار سنبھالنے سے پہلے ہی کلیئر ہو گیا تھا۔
