لاہور( این این آئی) نامور ماڈل و اداکارہ نادیہ حسین نے کہا ہے کہ جو لوگ مجھے سوشل میڈیا پر تنقید کا نشانہ بناتے ہیں انہیں بالکل بھی برداشت نہیں کروں گی، اگر کوئی میرے خلاف بات کرے گا تو اسی لہجے میں جواب دوں گی۔
ایک انٹر ویو میں اداکارہ نے کہا کہ کسی کو اجازت نہیں دوں گی کہ وہ میری یا میرے بچوں کی ساکھ کو نقصان پہنچائے۔ لوگوں کے پاس ٹیکنالوجی تو آگئی لیکن اس کا استعمال کرنے کے لئے عقل نہیں۔انہوں نے کہا کہ لوگوں کی اکثریت منفی سوچتے ہیں ، ان کی سوچ یہ ہوتی ہے کہ جو ان کے پاس نہیں وہ کسی دوسرے کے پاس بھی نہ ہو۔
