ممبئی (این این آئی) بالی و وڈ اداکارہ انوشکا شرما کے ساتھ بغیر ہیلمٹ موٹر سائیکل پر سواری باڈی گارڈ سونو شیخ کو بھاری پڑگئی۔سوشل میڈیا پر بالی ووڈ اداکارہ انوشکا شرما کی گاڑی کے بجائے موٹر سائیکل پر سوار ی کی ویڈیو سامنے آئی تھی جس پر سوشل میڈیا صارفین نے ہیلمٹ نہ پہننے پر اداکارہ سمیت ان کے گارڈ کو بھی تنقید کا نشانہ بنایا تھا۔
ابھارتی میڈیا کے مطابق اب یہ سلسلہ تنقید سے نکل کر جرمانے پر پہنچ گیا ہے۔ دہلی پولیس نے باڈی گارڈ سونو شیخ پر ہیلمٹ نہ پہننے اور بغیر ڈرائیونگ لائسنس کے ڈرائیونگ کرنے پر 10ہزار 500روپے کا جرمانہ عائد کردیا ہے۔ سوشل میڈیا پر اداکارہ کی تصویر وائرل ہو نے پر دہلی پولیس نے کارروائی کا فیصلہ کیا تھا۔
