لاہور( این این آئی) 9 مئی کو جناح ہائوس پر جلائو گھیرائو کی تحقیقات کرنے والی جے آئی ٹی نے چیئرمین پاکستان تحریک انصاف کو واقعہ کا ذمہ دار قرار دیدیا،اسد عمر ، شاہ محمود قریشی ، چیئرمین پی ٹی آئی کی بہنوں سمیت دیگر رہنمائوں کو بھی گنہگا ر قرار دیا گیا ہے ۔

ذرائع کے مطابق عمران کشور کی سربراہی میں قائم جے آئی ٹی نے اپنی تفتیش مکمل کر لی ہے ۔جے آئی ٹی نے چیئرمین پی ٹی آئی کو تین دفعہ شامل تفتیش کیا ۔جے آئی ٹی کی ٹیم اٹک جیل میں بھی چیئرمین پی ٹی آئی کا بیان ریکارڈ کرنے گئی تھی ۔ذرائع کے مطابق عسکر ی ٹاور میں جلائوگھیرا ئوکی تفتیش تاحا ل جاری ہے ۔ جناح ہائوس اور عسکری ٹاور جلا ئوگھیرا ئومیں تفتیش کے لیے حکومت نے علیحدہ علیحدہ جے آئی ٹی تشکیل دی تھی ۔