لاہور(این این آئی) ترجمان پرونشل ڈیزاسٹر مینجمنٹ اتھارٹی کے مطابق تمام بڑے دریاؤں کے بالائی علاقوں میں 6ستمبر تک موسلا دھار بارشیں متوقع ہیں۔ترجمان کے مطابق دریائے ستلج میں نچلے درجے کا سیلاب ہے تاہم پانی کے بہاؤ میں مسلسل کمی آرہی ہے، گنڈا سنگھ والا، ہیڈ سلیمانکی اور ہیڈ اسلام کے مقامات پر نچلے درجے کا سیلاب ہے۔

گنڈا سنگھ والا کے مقام پر پانی کا بہاؤ 50ہزار 508کیوسک ہے، ہیڈ سلیمانکی کے مقام پر پانی کی آمد 67ہزار 110اور اخراج 53ہزار188 کیوسک ہے جبکہ ہیڈ اسلام کے مقام پر پانی کا بہاؤ 72ہزار 316کیوسک ہے۔ترجمان کے مطابق پنجاب کے دیگر دریاؤں میں پانی کا بہاؤ معمول کے مطابق ہے جبکہ سیلاب سے متاثرہ علاقوں میں امدادی سرگرمیاں جاری ہیں۔ ترجمان پی ڈی ایم اے نے مزید بتایا کہ تمام بڑے درؤیاں کے بالائی علاقوں میں موسلا دھار بارشیں متوقع ہیں۔