لاہور( این این آئی) سینئر اداکار نعمان اعجاز نے کہا ہے کہ مجھے کام کرتے ہوئے 35سال ہو گئے ہیں جبکہ میرے صاحبزادے زاویار کو ابھی پینتیس مہینے بھی نہیں ہوئے ، اگر لوگ یہ توقع کریں کہ یہ اپنے کیرئیر کے آغاز میں ہی میرے جیسا کام شروع دے گا تو یہ اس کے ساتھ نا انصافی ہے ۔
ایک انٹر ویو میں نعمان اعجاز نے کہا کہ ہم نے جن لوگوں کے ساتھ کام کیا وہ اپنی ذات میں یونیورسٹی کی حیثیت رکھتے ہیں اور ہمیں ان سینئر زکے ساتھ کام کرنے پر فخر ہے ۔ انہوں نے کہا کہ زاویار کیونکہ نعمان اعجاز کا بیٹا ہے اس لئے لوگوں کی اس سے زیادہ توقعات ہوتی ہیں ۔
میرے سے اسے جتنی ڈانٹ پڑتی ہے وہ کسی کی سوچ ہو گی ، اسے اس کی والدہ ، خالہ اور دیگر رشتہ داروں سے بھی ڈانٹ پڑتی ہے ۔ انہوں نے کہا کہ زاویار نے اپنے بل بوتے پر کامیابی حاصل کرنی ہے میری سفارش کی طرز پر کوئی سپورٹ میسر نہیں ہاں البتہ اس کے کام میں نکھار لانے کیلئے ضرور رہنمائی کرتا ہوں۔
