گوجرانوالہ (این این آئی) مسیحی رہنما نے کہا ہے کہ آئی جی پنجاب نے بتایا جڑانوالہ واقعے میں بھارتی خفیہ ایجنسی را کی سازش کا انکشاف ہوا، تو اس کی مکمل تحقیقات کی جائیں۔سانحہ جڑانوالہ کے حوالے سے مسیحی رہنماؤں نے پریس کانفرنس کرتے ہوئے علمائے یاکرام اور ریاست پاکستان کا شکر ادا کیا۔
مسیحی رہنما نے کہا کہ آئی جی پنجاب نے کہا جڑانوالہ واقعے میں را کی سازش کا انکشاف ہوا، اگر کوئی بھی غیر ملکی سازش ہے تو اس کی مکمل تحقیقات کی جائیں۔مسیحی رہنما نے کہا کہ بھارت اپنے ملک میں اقلیتوں کو تحفظ دے،کشمیریوں کا قتل عام بند کرے ، ہمارا مذہب تمام مذاہب کے احترام کا درس دیتا ہے۔مسیحی رہنماؤں نے اداروں سے مطالبہ کیا کہ جڑانوالہ واقعے کی مکمل تحقیقات کرائی جائیں، مسیحی برادری نے پاکستان بنانے اور بچانے میں ہمیشہ اہم کردار ادا کیا۔
