لاہور( این این آئی) خوبرو اداکارہ درفشاں سلیم نے انکشاف کیا ہے کہ انہیں مداح روزانہ گلدستہ تحفے میں بھیجا کرتا تھا،مداح بہت کیوٹ ہوتے ہیں اور وہی ہمیں اسٹار بناتے ہیں۔۔ ایک انٹر ویو میں اداکارہ نے کہاکہ درفشاں سلیم نے بتایا کہ مجھے ساگ پسند ہے جب میں نے انسٹاگرام پر ساگ کی تصویر شیئر کی تو اس پر مداحوں نے بے تحاشہ کمنٹس کئے اور ایک مداح نے کہا کہ ہم آپ کو گائوں سے ساگ بنا کر بھیجیں گے۔
انہوں نے کہا کہ ڈراموں کی ٹی آر پی سے کوئی فرق نہیں پڑتا مداحوں کے تبصرے معنی رکھتے ہیں ،جب میں باہر گئی تو لوگوں نے کہا کہ آپ پر ڈرامے میں بہت ظلم ہورہا ہے تو مجھے لگا کہ مداحوں کو اداکاری پسند آرہی ہے۔ایک سوال کے جواب میں درفشاں سلیم نے کہا کہ جتنے بھی مشہور ہوجائیں آپ اپنے والدین، رشتے داروں اور دوستوں کے لیے وہی رہتے ہیں۔انہوں نے بتایا کہ میں ایک تقریب سے گھر آئی اور میں نے جوتے ایسے ہی اتار دئیے وہیں سے امی کی آواز آئی کہ جوتے جگہ پر رکھو تو گھر میں آپ وہی ہوتے ہیں۔
