ممبئی (این این آئی) تامل فلم انڈسٹری کے سْپر سٹار رجنی کانت کی نئی فلم ’جیلر‘ نے مداحوں کے دل جیت لیے۔بھارتی میڈیا رپورٹ کے مطابق نیلسن دلیپ کمار کی ہدایتکاری میں بننے والی فلم جیلر ریلیز کے پہلے روز ہی صرف بھارت سے 13 کروڑ کا بزنس کرنے میں کامیاب رہی جبکہ اس فلم نے دنیا بھر سے ریلیز کے پہلے دن کی ایڈوانس بکنگ سے 19 کروڑ کا بزنس کیا ہے۔
سوشل میڈیا پر بھی جیلر کے خوب چرچے ہورہے ہیں اور رجنی کانت کا نام مختلف سوشل میڈیا پلیٹ فارمز پر ٹرینڈ کر رہا ہے، فلم میں جیکی شروف نے بھی اہم کردار ادا کیا ہے جبکہ تمنا بھاٹیا بھی فلم کا حصہ ہیں۔بھارتی میڈیا کا کہنا ہے کہ سنیما گھروں کے باہر صبح سے ہی شائقین کی لمبی قطاریں لگ گئی تھیں جبکہ سنیما گھروں کے باہر رجنی کانت کے بینرز تھامے مداحوں نے خوشی میں ڈھول کی تھاپ پر رقص کیا اور آتش بازی بھی کی۔
