لاہور ( این این آئی) زمان پارک میں چیئرمین پی ٹی آئی کے گھر کے باہر کھڑی کی گئیں رکاوٹیں ہٹا دی گئیں اور اینٹی انکروچمنٹ عملے نے رہائشگاہ کے باہر سے تمام بیریئر ہٹا دیئے ۔تفصیلات کے مطابق ضلعی انتظامیہ لاہور نے زمان پارک کے باہر کھڑی کی گئیں تمام رکاوٹیں ہٹا دی ہیں۔
اینٹی انکروچمنٹ عملہ زمان پارک کے باہر رکھے کنکریٹ کے بلاک اپنے ٹرکوں میں لاد کر لے گئے، جب کہ کینال روڈ اور گرین بیلٹ کے باہر رکھے گئے بیریئرز بھی عملہ ساتھ لے گیا ۔بیریئر کو سابق وزیراعلی پرویز الٰہی نے ٹریفک پولیس کو حکم دے کر چیئرمین پی ٹی آئی کی رہائشگاہ کے باہر رکھوایا تھا۔واضح رہے کہ چیئرمین پی ٹی آئی توشہ خانہ کیس میں جرم ثابت ہونے پر اٹک جیل میں قید ہیں۔
