کراچی(این این آئی)سندھ حکومت نے سرہاڑی میں ٹرین حادثے کے متاثرین کیلئے امدادی رقوم کا اعلان کردیا۔ وزیراعلی سندھ سید مراد علی شای نے کہاہے کہ جاں بحق افراد کے لواحقین کو 10 لاکھ اور زخمیوں کو 2 سے 5 لاکھ روپے تک دیئے جائیں گے۔نوابشاہ کے قریب سرہاڑی میں اتوار کو پاکستان ریلوے کی ہزارہ ایکسپریس کو حادثے میں 35سے زائد افراد جاں بحق اور 50 سے زائد زخمی ہوئے تھے۔
سندھ حکومت نے سرہاری اسٹیشن پر ٹرین حادثے میں جاں بحق افراد کے لواحقین کیلئے 10 لاکھ روپے اور زخمیوں کیلئے 2 سے 5 لاکھ روپے امداد کا اعلان کردیا۔وزیراعلی سندھ نے کہاکہ ہماری پہلی کوشش تھی کہ جتنے لوگوں کو بچاسکیں بچائیں، محکمہ ریلوے کو جو معاونت چاہئے ہوگی ضرور دیں گے، پاکستان ریلوے حادثے کی تحقیقات کرے گا۔واضح رہے کہ حادثے کے تقریبا 18 گھنٹے بعد ریلوے ٹریک بحال کردیا گیا، شالیمار ایکسپریس، گرین لائن، ہزارہ ایکسپریس اور دیگر ٹرینیں روانہ کردی گئیں۔
