دبئی (این این آئی)آئی سی سی کرکٹ ورلڈکپ میں بھارتی سیکیورٹی ادارے پریشان دکھائی دینے لگے ، بھارتی میڈیا کے مطابق کولکتہ پولیس پاکستان اور انگلینڈ میچ کیلئے مکمل سیکیورٹی دینے سے قاصر ہے۔ کولکتہ پولیس نے کرکٹ ایسوسی ایشن بنگال سے رابطہ کرکے کہا کہ کالی پوجا کی وجہ سے میچ کیلئے سیکیورٹی کی فراہمی مسئلہ ہوگا۔
واضح رہے کہ ورلڈکپ میں پاکستان اور انگلینڈ کو 12 نومبر کو کولکتہ میں میچ کھیلنا ہے۔صدر کرکٹ ایسوسی ایشن آف بنگال کے مطابق ہمیں میچ ری شیڈول کرنے کے بارے میں باضابطہ طور پر نہیں کہا گیا۔ادھر بھارتی میڈیا نے کہا کہ احمد پولیس نے بھی نوراتری کی وجہ سے 15 اکتوبر کو پاک بھارت میچ میں سیکیورٹی سے معذوری ظاہر کی تھی۔
خیال رہے کہ بھارتی کرکٹ کے ادارے بورڈ آف کنٹرول کرکٹ ان انڈیا (بی سی سی آئی) پہلے ہی ورلڈ کپ شیڈول میں تبدیلی کا کہہ چکا ہے۔ادھر ایک بھارتی صحافی نے گفتگو کرتے ہوئے کہا کہ کولکتہ پولیس نے گزشتہ روز کرکٹ ایسوسی ایشن آف بنگال (سی اے بی) سے رابطہ کیا تھا۔ ایسوسی ایشن نے آج بی سی سی آئی سے درخواست کی ے۔
بھارتی صحافی نے بتایا کہ سی اے بی نے میچ ایک روز قبل یعنی 11 اکتوبر کو کروانے کی سفارش کی ہے تاہم اس سفارش پر بی سی سی آئی انٹرنیشنل کرکٹ کونسل (آئی سی سی) سے مشاورت کے بعد فیصلہ کرے گا۔اگر سی اے بی کی بات مان لی گئی تو میچ ایک روز قبل کردیا جائیگا 11 نومبر کو ورلڈ کپ میں ڈبل ہیڈر کھیلا جائے گا۔ذائع نے بتایا کہ آئی سی سی ورلڈکپ 2023 کا تبدیل شدہ شیڈول منگل تک جاری کرے گا۔
