دبئی (این این آئی)عبوری حکومت کے قیام سے پہلے دبئی ایک بار پھر سیاسی سرگرمیوں کا مرکز بن گیا۔ذرائع کے بعد سابق وزیراعظم نوازشریف سعودی عرب سے واپس دبئی پہنچے ہیں جبکہ سابق صدر آصف علی زرداری اوربلاول بھٹو بھی پہلے سے دبئی میں موجود ہے ،گزشتہ روز سابق صدر آصف علی زرداری خصوصی طیارے سے دبئی پہنچے تھے،
سابق صدر کی دبئی میں اہم سیاسی ملاقاتیں متوقع ہیں، آصف علی زرداری چند دن دبئی میں قیام کے بعد وطن واپس آئیں گے۔مسلم لیگ (ن )اورپیپلزپارٹی کی قیادت مل بیٹھی تو نگران سیٹ پر اہم مشاورت کاامکان ہے۔مزید برآں نواز شریف سے ملاقات کے بعد مریم نواز رات گئے وطن واپس پہنچی ہیں۔
