کوئٹہ( این این آئی ) کوئٹہ سمیت ملک میں کہیں بھی محرم الحرام کا چاند نظر نہیں آیا ، یکم محرم جمعرات 20جولائی کو ہو گی جبکہ یوم عاشور 10محرم 29جولائی کو ہو گا۔منگل کو ڈپٹی کمشنر آفس کوئٹہ میں ماہ محرم الحرام۱۴۴۵ھ کا چاند دیکھنے کے لئے چیئر مین مر کزی رئویت ہلال کمیٹی پاکستان مولانا سید محمد عبد الخبیر آزاد کی زیر صدارت مرکزی رئویت ہلاک کمیٹی پاکستان کا اجلاس منعقد ہوا ۔
اجلاس میں وزرات مذہبی امور سے ڈائریکٹر جنرل مزہبی امور سید مشاہد حسین خالد نے جبکہ فنی معاونت کے لئے محکمہ موسمیات سے چیف میٹ سردار سرفراز ، محکمہ سپارکو سے غلام مر تضیٰ اور وزارت سائنس اینڈ ٹیکنالوجی حکومت پاکستان سے جوائنٹ سیکر ٹری زیب العابدین نے اپنی خدمات سر انجام دیں۔
اجلاس میں وزارت مذہبی امور پاکستان سے حافظ عبد القدوس او ر سیکر ٹری مذ ہبی امور اوقاف بلو چستان ندیم الرحمن ، ڈپٹی کمشنر کوئٹہ شائق بلوچ نے جبکہ فنی معاونت کے لئے محکمہ موسمیات سے چیف میٹ ڈاکٹر سر دار سر فراز ، محکمہ سپار کو سے غلام مر تضیٰ اور وزارت سائنس اینڈ ٹیکنا لوجی سے زیب العابدین نے اپنی خدمات سر انجام دیں۔
اجلاس میں مرکزی رو یت ہلال کمیٹی پاکستان کے اراکین ڈاکٹر راغب حسین نعیمی ، صاحبزادہ سید حبیب اللہ چشتی ، قاری مہر اللہ ،مولانا عبد المالک بروہی ، مفتی علی اصغر عطاری ، مفتی فیصل احمد، مفتی یوسف کشمیری، پیر سید شاہد علی جیلانی اور زونل ممبران میں مولانا انوارلحق حقانی ، ڈاکٹر عطاء الرحمن ، قاری حفیظ اللہ، مولانا نقیب اللہ آغا، ، قاری عبد الرشید ہزاروی، علامہ قر بان علی تو سلی ، مولانا عتیق الرحمن شاہ و دیگر علماء کرام میں علامہ ولایت حسین جعفری ، علامہ ڈاکٹر موسیٰ حسینی شامل ہو ئے۔
اسکے علا وہ پاکستان بھر میں زونل رئویت ہلال کمیٹیوں کے اجلاس انکے متعلقہ ہیڈ کوارٹر اسلام آباد ، لاہور، پشاور، کراچی میں منعقد ہو ئے جس میں زونل رئو یت ہلال کمیٹیوں کے ممبران اور فنی ماہرین نے شر کت کی ۔ اجلاس کے اختتام پر مر کزی رئویت ہلال کمیٹی پاکستان کے چیئر مین مولانا سید محمد عبد الخبیر آزاد نے اعلان کر تے ہوئے کہا کہ پاکستان کے اکثر و بیشتر مقامات پر مطلع صاف رہا اور کچھ مقامات پر مطلع ابر آلود بھی رہا ،
پاکستان کے کسی بھی مقام سے ماہ محرام الحرام کا چاند نظر آنے کی کوئی شہادت موصول نہیں ہوئی اور چاند نظر نہیں آیا لہٰذا اتفاق رائے سے فیصلہ کیا گیاکہ یکم محرم الحرام ۱۴۴۵ھ 20جولائی 2023بروز جمعرات کو ہو گی اور یوم عاشور 10محرم الحرام 29جولائی 2023بروز ہفتہ کوہو گا ۔
مولانا عبد الخبیر آزاد نے کہا کہ محرام الحرام میں قیام امن ، اتحاد، بین المسلمین وبین المسالک ہم آہنگی اور پیغام پاکستان کے فروغ کو زیا دہ سے زیا دہ عام کیا جائے ،پیغام پاکستان، پاکستان کا وہ ضابطہ اخلاق ہے جس کو عام کرنا ہم سب کی ذمہ داری ہے ۔ اجلاس کے آخر عالم اسلام کے اتحاد، حرمین شریفین کے تحفظ ، پاکستان کی سلامتی و استحکام وخوشحالی ، اتحاد وو حدت ، مقبوضہ کشمیر و فلسطین کی آزادی او ر ژوب میں افواج پاکستان کے جوجوان شہید ہو ئے انکے درجات کی بلند ی و مغفرت کے لئے خصوصی دعا کی گئی ۔
