واشنگٹن(این این آئی)امریکا نے مشرق وسطی میں عسکری قوت مزید مضبوط کرنے کا اعلان کرتے ہوئے کہا ہے کہ مشرق وسطی میں اضافی ایف 16 اور ایف 35 طیارے بھیجے جائیں گے۔غیرملکی خبررساں ادارے کے مطابق پینٹاگون نے اپنے بیان میں کہا کہ اضافی لڑاکا طیارے بحری جنگی جہاز کے ساتھ بھیجے جائیں گے۔
امریکی محکمہ دفاع کے ہیڈکوارٹر پینٹاگون کے مطابق امریکی عسکری قوت میں اضافہ آبنائے ہرمز اور اطراف کے علاقوں کی نگرانی کے لیے کیا جارہا ہے۔پینٹاگون کے مطابق اہم آبی گزرگاہوں پر کمرشل جہازوں کو ایران سے درپیش خطرات پر فوجی موجودگی بڑھانے کا فیصلہ کیا گیا۔
