لاہور(این این آئی)وزیراعظم شہباز شریف سے وفاقی وزیر برائے پیٹرولیم علی پرویز ملک نے ماڈل ٹاؤن میں ملاقات کی جس میں ملکی سیاسی و معاشی صورتحال پر تفصیلی تبادلہ خیال کیا گیا۔ملاقات میں علی پرویز ملک نے آئندہ بجٹ کی تیاری میں توانائی کے شعبے میں پائیدار اصلاحات پر بریفنگ دی۔بتایاگیاکہ انٹیگریٹڈ گیس پلان کیلئے بین الاقوامی کنسلٹنٹ ووڈ میکنزی کی معاونت حاصل کی گئی ہے۔ملاقات میں وزارت خزانہ ، پیٹرولیم اور پلاننگ کمیشن کے ورکنگ گروپ کو حتمی شکل دینے کی تجاویز پر اتفاق کیاگیا۔
