اسلام آباد (این این آئی)نیواسلام آباد انٹرنیشنل ائیرپورٹ خصوصی سہولت کا حامل پہلا پاکستانی ائیرپورٹ بن گیا جہاں نفسیاتی مسائل کے شکار مسافروں کو خصوصی سہولیات فراہم کردی گئی ہیں۔سی او اوائیرپورٹ منیجر آفتاب گیلانی نے سہولت کے بارے سے آگاہ کرتے ہوئے کہا کہ ان ویژیبل ڈس ایبلٹیز کے حامل افراد کو ائیرپورٹ آمد پر خصوصی سن فلاور ربن جاری کیا جاتا ہے۔انہوں نے کہا کہ سن فلاور لینڈ یارڈ کے حامل مسافروں کو ہر کانٹر پر ترجیحی سہولیات مہیا کی جا رہی ہیں۔انہوں نے بتایا کہ آٹزم سمیت دیگر نفسیاتی عوارض کے حامل بچے سہولت سے مستفید ہو رہے ہیں۔آفتاب گیلانی نے کہاکہ تمام ائیرلائنز کو خصوصی سہولت بارے آگاہ کر دیا گیا ہے۔
