نیوزی لینڈ اور پاکستان کے درمیان تیسرا اور آخری ون ڈے میچ آج کھیلاجائے گا

ویلنگٹن(این این آئی)نیوزی لینڈ اور پاکستان کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا اور آخری ون ڈے میچ 5 اپریل کوبے اوول، ماؤنٹ مونگانوئی میں کھیلا جائے گا۔نیوزی لینڈ کو پاکستان کے خلاف تین ون ڈے میچوں کی سیریز میں 0ـ2 کی فیصلہ کن برتری حاصل ہے۔ کیوی ٹیم نے پہلے ون ڈے میچ میں گرین شرٹس ک73رنز جبکہ دوسرے ون ڈے میچ میں 84 رنز سے شکست دی تھی۔اس سے قبل میزبان کیوی ٹیم نے پاکستان کی ٹیم کو پانچ ٹی ٹونٹی میچز کی سیریز میں 1ـ4 سے شکست دی تھی۔ پاکستان کی ٹیم ان دنوں نیوزی لینڈ کے دورہ پر ہے جہاں وہ میزبان ٹیم کے خلاف پانچ ٹی ٹونٹی اور تین ایک روزہ بین الاقوامی میچوں کی سیریز کھیلے گی جن میں سے پانچ ٹی ٹونٹی میچوں کی سیریز کھیلی جا چکی ہے جو میزبان کیوی ٹیم نے 1ـ4 سے جیت لی ہے جبکہ ون ڈے سیریز کے دو میچز کھیلے جا چکے ہیں۔جو نیوزی لینڈ نے جیت لئے ہیں۔ تیسرا اور آخری ون ڈے میچ 5 اپریل کو بے اوول، ماؤنٹ مونگانوئی میں کھیلا جائے گا۔