اسلام آباد (این این آئی)وفاقی حکومت نے ملک میں چینی کی قیمتیں مستحکم رکھنے اور صارفین کو ریلیف فراہمی کیلئے شکر درآمد کرنے کا فیصلہ کیا ہے۔ ذرائع کے مطابق شکر کی درآمد سے مقامی سطح پر چینی کی قیمتوں میں کمی آئے گی اور مستقبل میں چینی کی پیداوار بڑھانے میں مدد ملے گی۔ ذرائع کے مطابق درآمد شدہ شکر کو مقامی سطح پر ریفائن کر کے چینی میں تبدیل کیا جا سکے گا۔ ذرائع کے مطابق شکر درآمد فیصلے کا مقصد مقامی منڈی میں چینی کی قیمتوں کو کنٹرول میں رکھنا اور صارفین کو مناسب نرخوں پر چینی فراہم کرنا ہے۔
