پشاور(این این آئی)وزیراعلیٰ خیبر پختونخوا علی امین گنڈاپور نے کہا ہے کہ علاقائی امن پاکستان اور افغانستان دونوں ہی کے مفاد میں ہے۔تفصیلات کے مطابق وزیراعلیٰ علی امین گنڈاپور اور افغان قونصل جنرل حافظ محب اللہ شاکر کی ملاقات ہوئی جس میں باہمی تجارت کے فروغ اور صوبے میں مقیم افعان شہریوں کو درپیش مسائل زیر غور آئے۔ملاقات میں رمضان اور عیدالفطر کے پیش نظر سرحد کو جلد سے جلد کھولنے پر اتفاق کیا گیا۔وزیراعلیٰ خیبر پختونخوا نے کہا کہ جلد بارڈر کھولنے کی ضرورت ہے، بارڈر کھولنے کیلیے افغان سفارتخانہ اپنا کردار ادا کرے۔انہوں نے کہا کہ علاقائی امن پاکستان اور افغانستان دونوں کے مفاد میں ہے، ہم نے صوبائی سطح پر افغان حکومت سے مذاکرات کیلیے جرگہ تشکیل دیا ہے۔علی امین گنڈاپور نے یہ بھی کہا کہ وفاقی حکومت کی طرف سے جرگے کے ٹی او آر کی منظوری کا انتظار ہے۔انہوںنے کہاکہ افغان باشندوں کو صحت و تعلیم کارڈ کی فراہمی کے لیے بین الاقوامی اداروں سے بات ہو رہی ہے۔
