اسلام آباد(این این آئی)وزیراعظم کے مشیر قانون و انصاف بیرسٹر عقیل ملک نے کہا ہے کہ جے یو آئی اور پی ٹی آئی ایک سٹیج پر نہیں آسکتے۔نجی ٹی وی پروگرام میں گفتگوکرتے ہوئے بیرسٹرعقیل ملک نے کہاکہ پاکستان کے معاشی حالات بہتر ہو رہے ہیں، سٹاک مارکیٹ تاریخ کی بلند ترین سطح پرہے۔قومی ٹیم کو تنقید کا نشانہ بناتے ہوئے انہوںنے کہاکہ کرکٹ ٹیم کی شکست پر پوری قوم افسردہ ہے، کرکٹ ٹیم کا زیادہ زور اشتہارات پرہے۔ایک سوال کے جواب میں مشیروزارت قانون نے کہاکہ بانی پی ٹی آئی جیل میں دیسی مرغ کھاتے ہیں، عمران خان کے لیے جیل میں ورزش کرنے والی مشین بھی ہے۔بیرسٹرعقیل ملک نے کہاکہ کہ رمضان میں کچھ بھی نہیں ہونے والا، یہ مولانا فضل الرحمان پر تکیہ کرکے بیٹھے ہیں، جے یو آئی اور پی ٹی آئی ایک سٹیج پر نہیں آسکتے۔
