اسلام آباد (این این آئی)پاکستان ٹیلی کمیونیکیشن کمپنی لمیٹڈ نے پاکستان کو افریقہ1سب میرین کیبل سے منسلک کردیا۔پی ٹی سی ایل حکام کے مطابق 10ہزار کلومیٹر طویل کیبل سسٹم میں جدید ترین ٹیکنالوجیز شامل ہیں۔ پی ٹی سی ایل کے مطابق کیبل پاکستان کو سعودی عرب اور متحدہ عرب امارات سے جوڑے گی، مصر، سوڈان، الجزائر، فرانس، کینیا، جبوتی بھی منسلک ہوں گے۔پی ٹی سی ایل کے مطابق کیبل کو منسلک کرنے سے ڈیجیٹل اور ٹیلی کام نظام میں بہتری آئے گی۔ سب میرین کیبل افریقہ ون کو کراچی میں پی ٹی سی ایل ایکسچینج سے منسلک کیا گیا ہے۔ کمپنی کے مطابق افریقہ1کیبل سسٹم کنسورشیم میں شمولیت کیلئے باضابطہ معاہدہ کیا گیا، اقدام عالمی ڈیجیٹل مراکز کیساتھ پاکستان کے روابط کو مستحکم کرے گا۔پی ٹی سی ایل کے مطابق مختلف شعبوں میں جدت کو فروغ اور ملکی معیشت مستحکم ہوسکے گی۔ افریقہ۔ون کیبل سسٹم 2026ء کے اوائل میں فعال ہوگی، صارفین کو عالمی معیار کی انٹرنیٹ سہولیات دستیاب ہوں گی۔
