ریاض(این این آئی) سعودی عرب کی پٹرولیم کمپنی آرامکو نے فلپائن کی بڑی پٹرولیم کمپنی یونی آئل کے 25 فیصد حصص خریدنے کے حتمی معاہدے پر دستخط کردیئے ۔عرب ٹی وی کے مطابق حصص خریدنے کا مقصد فلپائن کی پٹرولیم مارکیٹ کو مستحکم کرنا اور اسے ترقی دینا ہے۔علاوہ ازیں آرامکو کی جانب سے ریفائننگ اور کیمیکلز مارکیٹنگ کے شعبوں کو عالمی سطح پر وسعت دینا اور مزید آوٹ لیٹس کو تلاش اورمستحکم کرنا ہے۔واضح رہے یونی آئل فلپائنی کمپنی کمپنی کا قیام 1966 میں ہوا تھا جس کے نیٹ ورک میں 165 اسٹیشن اور ملک میں 4 اسٹوریج ہیں۔اس سے قبل آرامکو نے اپنی منصوعات پاکستان اور چلی کے لیے بھی متعارف کرائی ہیں۔
