لاہور ( این این آئی) پاکستان تحریک انصاف نے عید کے بعد ملک گیر احتجاجی تحریک چلانے کا منصوبہ بنالیا،اپوزیشن لیڈر پنجاب اسمبلی ملک احمد خان بھچر نے اپنے ویڈیو پیغام میں کہا کہ بانی کی ہدایت کے مطابق سیاسی جماعتوں سے مشاورت کے بعد نئی تحریک شروع کریں گے، حکومت کے خاتمے تک تحریک جاری رہے گی۔انہوں نے کہا کہ عید کے بعد تحریک انصاف ایک بھرپور احتجاجی تحریک کا آغاز کرے گی۔ہم احتجاجی تحریک کیلئے اپنی تیاریاں ابھی سے شروع کررہے ہیں، وکلا اور سیاسی جماعتوں سے رابطہ کرکے ایک بھرپور تحریک چلائیں گے۔ملک احمد بھچر کا کہنا ہے کہ ملک پر مسلط حکمرانوں کے پاس عوامی مینڈیٹ نہیں ہے، ہماری تحریک اس حکومت کے خاتمے تک جاری رہے گی۔