اوسلو(این این آئی)ناروے میں ایک سی فوڈ کمپنی جس کی 27 ہزار سالمن مچھلیاں ساحل پر واقع ایک فش فارم سے فرار ہوگئی تھیں، اب اس کمپنی نے فرار ہونے والی مچھلیوں کو پکڑ کر لانے والوں کو 45 ڈالر فی مچھلی دینے کی پیشکش کی ہے۔ غیرملکی خبررساں ادارے کے مطابق یہ کمپنی دنیا میں فارم میں سالمن کی سب سے بڑی پیداواری کمپنی ہے اور اسکا نام ماوی ہے، کمپنی کے مطابق اتوار کی رات اسکی 105,000 سالمن مچھلیاں ناروے کے شہر ٹروم کے ایک فش فارم سے شمال مغربی ناروے کے سمندر میں داخل ہوگئیں۔کمپنی کا کہنا تھا کہ مچھلیوں کے فارم کو کھلے سمندر سے جدا کرنے والی باڑ کو علاقے میں طوفانی موسم کی وجہ سے نقصان پہچا تھا۔ کمپنی نے ناروے میں رجسٹرڈ فشنگ پروفیشنلز سے کہا کہ وہ ان مچھلیوں کو پکڑ کر ریسیپشن سینٹرز میں لائیں گے تو انھیں فی کس 45 ڈالرز دیئے جائیں گی۔ ماہرین کا کہنا تھا کہ فرار ہونے والی مچھلیاں علاقے کی جنگلی سالمن کیلیے خطرہ بن سکتی ہیں، کیونکہ یہ ایک ہی اسپننگ گرانڈ میں ہوں گی جس کی وجہ سے یہ انفیکشن (سمندری جوئیں)پھیلانے کا سبب بن سکتی ہیں۔
