لاہور (این این آئی)اداکار سمیع خان نے انکشاف کیا ہے کہ میں نے عمران اشرف کا مختصر سا کردار دیکھ کر ہی ان کے بہترین اداکار بننے کی پیش گوئی کر دی تھی۔ایک ویب شو میں گفتگو کرتے ہوئے سمیع خان نے کہاکہ آج کل مشہور ہونا اور اداکار ہونا دو الگ الگ چیزیں ہیں، وائرل ہونا اور مشہور ہونا آسان ہے، لیکن ایسی شہرت کسی بھی انسان کو اداکار نہیں بناتی۔اداکار نے کہا کہ مجھے یاد ہے کہ عمران اشرف نے ایک ڈرامہ سیریل میں میرے ساتھ ایک مختصر سا کردار کیا تھا جو ایک سکھ کا کردار ادا کر رہے تھے اور اس ڈرامے کی شوٹنگ تھائی لینڈ میں ہو رہی تھی۔انہوں نے کہا کہ عمران اشرف نے اس مختصر سے کردار میں مجھے حیران کر دیا تھا۔سمیع خان نے کہا کہ میں نے عمران اشرف کی اداکاری دیکھ کر کہا کہ آپ محنت سے کام کرتے رہیں، ایک دن ضرور بہترین اداکار بنیں گے۔
