ممبئی (این این آئی)بالی ووڈ کی معروف رقاصہ و اداکارہ نورا فتیحی کے مرنے کی جھوٹی خبریں سوشل میڈیا پر وائرل ہو گئیں۔بھارتی میڈیا کے مطابق نورا فتیحی کی 33 سال کی ہوگئی ہیں تاہم ان کی موت کی خبریں سوشل میڈیا پر پھیلا دی گئیں۔سوشل میڈیا پر ایک ویڈیو میں خاتون کو پہاڑ کی بلندی سے نیچے گرتے ہوئے دکھایا گیا ہے، بعد ازاں یہ ویڈیو جنگل میں آگ کی طرح سوشل میڈیا سمیت ہر جگہ پھیل گئی۔وائرل ویڈیو پر ایک صارف نے لکھا کہ بالی ووڈ کی مشہور اداکارہ نورا فتیحی کی موت بالی ووڈ کیلئے بری خبر ہے۔بہت ہی تیزی کے ساتھ وائرل ہونے والی اس فیک نیوز کی کچھ دیر بعد بھارتی میڈیا نے بھی اس کے غیر مصدقہ ہونے کی تصدیق کر دی۔سوشل میڈیا صارفین کی جانب سے نورا فتیحی سے متعلق جھوٹی اور غلط خبریں پھیلانے والوں پر سخت تنقید کی جا رہی ہے۔
