بیجنگ(این این آئی)صدر مملکت آصف علی زرداری سرکاری دورے پر بیجنگ پہنچ گئے ۔ایوان صدرکے پریس ونگ سے جاری بیان کے مطابق بیجنگ انٹرنیشنل ایئرپورٹ پہنچنے پر چین کے وزیر خزانہ لان فوآن، چین میں پاکستانی سفیر خلیل ہاشمی اور پاکستان میں چینی سفیر چیانگ زائے ڈونگ نے صدر مملکت کا استقبال کیا۔صدر آصف علی زرداری 4سے 8فروری تک دورہ چین پر ہیں۔صدر مملکت کا دورہ چین دوطرفہ تعلقات مزید مضبوط بنانے کیلئے نہایت اہمیت کا حامل ہے۔صدر مملکت کا دورہ چین دوطرفہ اقتصادی و تجارتی تعاون مزید بڑھانے میں اہم کردار ادا کرے گا۔دورے کے دوران صدر مملکت چین کی اعلیٰ سیاسی قیادت سے ملاقاتیں کریں گے۔صدر مملکت اپنے چینی ہم منصب صدر شی جن پنگ سے بھی ملاقات کریں گے ۔صدر مملکت چین کی اسٹیٹ کونسل کے پریمیئر لی چیانگ سے بھی ملیں گے ۔صدر مملکت چینی شہر ہاربن میں 9ویں ایشین ونٹر گیمز کی افتتاحی تقریب میں بھی شرکت کریں گے
