لاہور ( این این آئی)وزیر اطلاعات پنجاب عظمیٰ بخاری نے کہا ہے کہ پنجاب کی تاریخ میں مریم نواز پہلی وزیراعلی ہیں جنہوں نے ایک سال میں 80 سے زیادہ منصوبے شروع کئے، مریم نواز کی حکومت 50 سے زیادہ اپنے منصوبے مکمل کر چکی ہے، مریم نواز اپنی کارکردگی سے لوگوں کے دلوں میں جگہ بنا رہی ہیں، مریم نواز کی بڑھتی ہوئی مقبولیت سے کچھ لوگ خوفزدہ ہیں جن کو مریم نواز کے ساتھ مقابلے کا شوق ہے وہ ان کے جیسی کارکردگی بھی دکھائیں۔وزیر اطلاعات نے مزید کہا کہ باقی حکومتوں کے ترجمانوں کا کام صرف پنجاب کے منصوبوں میں کیڑے نکالنا ہے۔مریم نواز اپنے طرز حکومت اور گڈ گورننس کی وجہ سے باقی صوبوں میں بھی مقبول ہو رہی ہیں۔جب آپ مسلسل کئی سالوں سے اقتدار میں رہنے کے بعد بھی ڈلیور نہیں کریں گے تو لوگ کام کرنے والی وزیراعلی کو ہی پسند کریں گے۔ انکا کہنا تھا کہ میاں نواز شریف کی لیڈرشپ میں وفاق اور پنجاب کی حکومتیں کارکردگی کی نئی مثالیں قائم کر رہی ہیں۔ 2025 پاکستان کی ترقی اور خوشحالی کا سال ہوگا۔
