بانی پی ٹی آئی کو سیاست سے مائنس نہیں کیا جاسکتا،راناثناء اللہ

اسلام آباد(این این آئی )وزیراعظم کے مشیرراناثناء اللہ نے کہاہے کہ بانی پی ٹی آئی کو سیاست سے مائنس نہیں کیا جا سکتا، پی ٹی آئی دس دن بعد بھی مذاکرات کرے توحکومت تیارہوگی۔نجی ٹی وی کودیئے گئے ایک انٹرویومیں راناثناء اللہ نے کہاکہ یہ جہاں سے مسئلہ حل کروانا چاہتے ہیں وہاں سے حل نہیں ہوگا ،جب بھی حل ہو ہمارے ذریعے ہی ہوگا ،اگر پی ٹی آئی دو دن یا دس دن بعد بھی اگر مذاکرات کیلئے رابطہ کرے گی تو حکومت تیار ہو گی ۔انہوںنے کہاکہ بانی پی ٹی کو سیاست سے مائنس نہیں کیا جا سکتا اگر انہوں نے 9مئی اور 26 نومبر سے سبق نہیں سیکھا تو آٹھ فوری کو بھی آ کر دیکھ لیں ۔