کراچی (این این آئی)اداکارہ حرا مانی نے ٹک ٹاکر ویوٹیوبر رج بٹ سے امیر بنانے کی درخواست کردی۔ سوشل میڈیا پر اداکارہ و ماڈل حرامانی کی ایک ویڈیو وائرل ہے جس میں وہ معروف یوٹیوبر رجب بٹ سے خود کو امیر بنانے کی درخواست کرتی نظر آ رہی ہیں۔یاد رہے کہ حال ہی میں اداکار و یوٹیوبر رجب بٹ اور اداکارہ حرامانی نے ایک ساتھ ایک ویڈیو سونگ میں کام کیا ہے۔اس پراجیکٹ کا پوسٹر بھی دونوں فنکاروں کی جانب سے اپنے سوشل میڈیا اکانٹس پر شیئر کیا جا چکا ہے۔انسٹا گرام پر 8.3ملین فالوورز رکھنے والی حرامانی رجب بٹ کے ہمراہ اس پروجیکٹ میں مرکزی کردار میں نظر آئیں گی۔پراجیکٹ پر کام کے دوران رجب بٹ نے حرامانی کو یوٹیوب چینل بنانے کا مشورہ دیا جس پر اداکارہ نے کہا کہ آپ ہی میرا یوٹیوب چینل بنا کر دیں گے، ساتھ میں اداکارہ نے کہا مجھے امیر بنا دو۔ویڈیو میں دیکھا جا سکتا ہے کہ رجب بٹ حرامانی کے اس مطالبے پر حیران نظر آ رہے ہیں۔ بعد ازاں رجب بٹ حرامانی سے وعدہ کرتے ہوئے کہہ رہے ہیں کہ وہ ناصرف اداکارہ کو یوٹیوب چینل بنا کر دیں گے بلکہ ساتھ میں انہیں 5لاکھ فالوورز بھی بطور تحفہ دیں گے۔ویڈیو میں یوٹیوبر نے دعوی کیا مجھے روزانہ 40لاکھ صارفین دیکھتے ہیں۔
