اسلام آباد(این این آئی)وزیراعظم شہباز شریف نے پاکستان میں ورلڈ بینک کے کنٹری پارٹنرشپ فریم ورک کی افتتاحی تقریب میں جرمن زبان میں گفتگو کی۔جاری اعلامیہ کے مطابق وزیراعظم نے پاکستان میں ورلڈ بینک کے کنٹری پارٹنرشپ فریم ورک کی افتتاحی تقریب میں شرکت کی اور پاکستانی معیشت کی ترقی کیلئے کنٹری پارٹنرشپ فریم ورک کی تشکیل میں مارٹن ریزر سے اظہار تشکر کیا۔اعلامیے کے مطابق وزیراعظم نے حکومت پاکستان کے کنٹری پارٹنرشپ فریم ورک کو کامیاب بنانے کے عزم کا اعادہ کرتے ہوئے کہا کہ کنٹری پارٹنر شپ فریم ورک سے ملک میں تعلیم، صحت اور دیگر شعبوں میں ترقی آئے گی۔وزیراعظم نے تقریب میں جرمن زبان میں گفتگو کی۔ ورلڈ بنک کے نائب صدر کا تعلق جرمنی سے ہے یہی نہیں وزیراعظم نے تقریب میں موجود سعودی اور اماراتی سفیر کو مخاطب کرکے عربی میں خوشگوار گفتگو کی۔
