اسلام آباد(این این آئی)صدر آصف زرداری نے تیراہ میں کارروائی کے دوران 5دہشت گردوں کو جہنم واصل کرنے پر سکیورٹی فورسز کو خراج تحسین پیش کیا ہے۔ جاری بیان کے مطابق صدر مملکت نے انٹلیجنس پر مبنی کامیاب آپریشن کے دوران خوارجی سرغنہ عبیداللہ سمیت 5خوارج کو جہنم واصل کرنے پر سکیورٹی فورسز کی بہادری کو سراہا۔صدر مملکت نے ملک سے فتنہ الخوارج کے مکمل خاتمے کے عزم کا اعادہ کرتے ہوئے کہا کہ سکیورٹی فورسز دہشت گردی کے عفریت کے خاتمے کیلئے کارروائیاں کر رہی ہیں۔ انہوں نے کہا کہ پوری قوم دہشت گردی کے خلاف متحد ہے اور دہشت گردی کے مکمل خاتمے تک فتنہ الخوارج کے خلاف کارروائیاں جاری رہیں گی۔
