مکوآنہ (این این آئی)پاکستان پیپلزپارٹی کے ضلعی صدر محمد اعجاز چوھدری نے کہاکہ خدا کرے نیا سال 2025ملکی وملی سلامتی اورمعاشی ترقی کاسال ثابت ہو! خدا کے لیے نوجوان نسل اور اپنے گھرانے کی بہتری کے لیے اطاعت رسولۖ اور احکام الہی کو اپنانا مقصد حیات بنائیں۔نئے سال کا سورج نئی امنگوں کے ساتھ طلوع تو ہوگیااللہ تعا لی ہم سب کو اپنی اصلاح کرنے کی توفیق دے امین، نئی امیدوں کیساتھ سال نو کا پیپلز پارٹی خیر مقدم کرتی ہے ملک بھر میں امید و عزم کی نئی کرنیں بکھیرتا 2025ئکا پہلا سورج عوامی خوشحالی کی نوید لیکرطلوع ہوگا۔سال نو کا استقبال نئے خواب اور نئی امیدوں سے کرتے ہیں۔ان خیالات کا اظہار ضلعی صدر محمد اعجاز چوھدری نے پارٹی جیالوںکو سال نو کی مبارک باد دیتے ہوئے کیا۔ محمد اعجاز چوھدری نے کہاکہ انفرادی اور اجتماعی زندگیوں میں دین برحق کی تعلیمات پر عمل ہی ایمان کی تکمیل کا راستہ ہے۔انھوں نے کہا کہ ہمیں قرآن و سنت اور اولیائاللہ کی تعلیمات سے اپنی اولادوں کی تعلیم تربیت کے لیے کردار سازی پر توجہ دینی ہو گی۔قول و فعل کے تضادات کو ختم کرنا ہو گا،نماز کی پابندی قرآن کی تلاوت اور حقوق العباد کی ادائیگی کو اپنا مرکز و محور بنانا ہو گا۔ ہر دور کے اکابرین نے نصب العین کے حصول کی مختلف جہتوں پر غور کیا اور علم و تدبر کی نئی راہیں نکالیں جن کا مقصد انقلاب بذریعہ تعلیم ہے۔تاکہ خواتین دینی و عصری تعلیم سے آراستہ ہوں اور معاشرتی زندگی میں سوسائٹی کے اندر ایک مثالی خاتون کا کردار پیش کر سکیں ـ اورعملی زندگی میں تعلیم وتربیت سے مزین خاندان کی محافظ بننے کی صلاحیت رکھتی ہوںـ
